Ezkietako korridorea eta Kartxelako gendarmea

-

2019ko martxoaren 30ean Ezkietako korridoretik tontorrera igo ginen. Goranzkoan nahiko elur ona aurkitu genuen.





Korridorera hurbiltzen





Korridorearen bukaera da zatirik tente eta ederrena





Ezkietako korridorearen ibilbidea




Ezkieta tontorretik Keleta aldera egin genuen "Kartxelako Gendarmearen" oinarrira iristeko.









Trasteak prestatu eta eskalatzeari ekin genion. Harkaitz oso ustela topatu genuen. Lehengo bilgunean bi iltze zahar soka batek elkartuta. Soka moztu eta bilera muntatu genuen, friendekin gogortuta.





1go bilgunean




Bigarren luzean eskuin aldera egin behar da hasieran, harkaitz hobetxoagoarekin. Tripatxoa pasa eta harkaitzak okerrera egiten du. Handik zuzen tontorrera (iltze bat dago bidean).




Tontorreko bilgunea soka zahar batek lotutako 3 iltzez zegoen osatuta, eta bloke bat inguratzen zuen zinta batekin. Soka moztu, elementuak triangulatu eta... iltze batek salto! Beste iltze bat sartu genuen, bilgunea ongi triangulatu eta 40m inguruko rapela.





Rapelatzen





Soka bildu eta behera!









Egia esan, oso estetikoa eta deigarria den arren, bidea ez zitzaigun gomendagarria iruditu. Harkaitza negargarria da.

Iruzkinak

Argitaratu iruzkina

Blog honetako argitalpen ezagunak

Biduze ibaiaren sorlekua

-
Irudia
Esperientzia zoragarria, Biduze ibaia sortzen den kobaren zeharkaldia. 20 metroko bi soka behar dira. Sarreran bertan errekak ura badarama argi; koban sartu eta berehala iturburu bat dago dago, eta pasabide estu batzuk zeharkatu beharko ditugu! Rapelik luzeena lehengoa da eta behin hau igarota, beste aldeko ahoa da irteera bakarra! Sarrera Lehenengo rapela Lehenengo rapela Ez dago galbiderik; hainbat rapel igarota putzu batera iritsi ginen, sifoia. Ezkerreko aldetik egin behar da gora. Oinez ibiltzeko tartetxo baten ondoren, azken rapela izango dugu aurrez aurre. Irteerara iristen, formazio ugari Irteerako ahoa Bi gida ezberdinen informazioa eraman genuen. Batek 2 ordu eta erdiko jaitsialdia zela zioen, besteak 4 ordukoa. Penaz, espero baino dezente lehenago ikusi genuen beste aldeko argia. Itzulera ezkerreko aldetik aldapa gogor baten gora egin behar da. Harkaitz batera iritsiko gara; lehen eskailera bat zegoen harkaitza igotzeko... orain I...
Irakurri informazio gehiago

Harpea arroila

-
Irudia
Harpea Iparraldean egin genuen lehen arroila izan zen, 2017ko urrian. Behe Nafarroan dago, Esterenzubi herrian. Arroilara iristeko bidea oso polita da, Harpea (koba) ezagunera iristeko bera. Hemen ibilbidearen TRACKa. Hurbiltzen    Ur emariz bikain zegoen erreka. Zati polita hasiera aldean dago, nahiko kontzentratuta. Rapel laburrak, txirristak eta saltoak. 15 metroko bi soka behar dira jaitsiera egiteko. Gero poliki-poliki ireki egiten da arroila, eta oinez egiteko zati luze xamarra du, Errobi ibaiaren sorlekuraino. Hortik kotxerako itzulera laburra eta erraza. Inguru zoragarria da!
Irakurri informazio gehiago

Les délices de Notre Dame (6a)

-
Irudia
Izenak berak adierazten duen bezalaxe, eskalada ederra da. Granito bikaina, ongi babestuta, inguru zoragarrian eta ur-jauzi baten aldemenean. Bidearen barrenera iristeko gomendagarriena rapelatzea da. Kotxea bide bazterrean utzi, eta hamar minutu exkaxean iritsiko gara errekara ( TRACKa ). Erreka zeharkatu eta behera! 60 metroko bi sokarekin 5 rapel eginda barrenean izango gara. Kontuz jaitsi behar da, izan ere une batzuetan rapelen lerroak eta "Les délices" bideak elkartu egiten dira. Ez nahastu rapelatzeko instalazioak eta bilguneetakoak. Rapelatzekoek bi parabolt dituzte kate batekin elkartuta, bilguneetakoak aldiz kordinoekin daude lotuta.  Luzeen graduazioak honakoak dira, erabili genuen krokisaren arabera 1 eta 2 luzeak elkartu egin genituen: 3b, 4c eta 3b 3L: 5b 4L: 5c, 5b. Hasieran pausu arraro xamarra. 5L: 5b, 4c 6L: 5b 7L: 5c, 5b. Luzearen lehen erdia diedro oso polita 8L: 6a, 5c. Bidearen zati tenteena, ongi babestuta eta helduleku oso onekin. 9L: 5b, 4c 10L: 3b, 5...
Irakurri informazio gehiago